ఆణిముత్యాలు

"ప్రవర్తన కొన్నిసార్లు జ్ఞానం కంటే గొప్పది.
ఎందుకంటే జీవితంలో జ్ఞానం విఫలమయ్యే పరిస్థితులు చాలా ఉన్నాయి,
కానీ చాలా సందర్భాలలో ప్రవర్తన నిన్ను విజయం వైపు నడిపిస్తుంది."

"కాలం గడిచే తీరు నీతో నడిచే తోడుని బట్టి మారిపోతుంది."

"ముక్కూ మొహం తెలియని అపరిచితుడినైనా నమ్ముతామే గాని దేవుడ్ని అస్సలు నమ్మం.
నమ్మినట్టు నటిస్తాం — ఆ విషయం మనకు, దేవుడికి మాత్రమే తెలుసు."

"తత్త్వం తెలిసినవాడికి లోకం పిచ్చిది.
తాత్త్వికుడు లోకానికి పిచ్చివాడు."

"నీవు ఒక్కడివి లేనే లేవు అని నికరంగా నీవు తెలిసికుంటే
నీకు మాయ లేదు, మంత్రం లేదు.
ఆ తెలిసికొనే నీవే అసలైన నీవు."

"సన్యాసం అనేది మన సనాతన ధర్మం కాదు.
అది బౌద్ధం. భార్య లేని ఋషి లేడు మన వేదాల్లో."

"శాస్త్రం వలన పొందడం జరగదు.
పొందిన తరువాత శాస్త్రం రూఢి పరుస్తుంది.
శాస్త్ర ప్రయోజనం అంతవరకే."

"‘దైవమే కుటుంబ రూపంగా ఉన్నది’ అన్న సత్యాన్ని తెలుసుకున్న బుద్ధిమంతుడే
జ్ఞాన స్వరూపుడు."

సర్వేజనాః సుఖినో భవంతు